Google ADS

Putin dhe Macron diskutojnë për Iranin dhe Ukrainën

17:43 | 18 Korrik 2019
Arbresh.info

Presidenti i Rusisë, Vladimir Putin dhe ai francez, Emmnauel Macron, biseduan për marrëveshjen bërthamore të vitit 2015 me Iranin dhe konfliktin në lindje të Ukrainës.

Franca është përpjekur të zbusë tensionet në rritje pasi Shtetet e Bashkuara, vitin e kaluar, u tërhoqen nga marrëveshja.

Rusia, Kina, Franca, Britania e Madhe, Gjermania si dhe BE-ja, mbeten ende palë në marrëveshje, e cila ka për qëllim kufizimin e pasurimit të uraniumit nga ana e Iranit dhe pengimin e mundësive për ndërtimin e armës bombës bërthamore.

“Të dyja palët theksuan se marrëveshja është faktori më i rëndësishëm për sigurinë në Lindjen e Mesme”, thuhet në njoftimin e Kremlinit.

Shtetet e Bashkuara kanë thënë se marrëveshja i mundëson Iranit të posedojë armë bërthamore për disa vite.

Pas tërheqjes, SHBA-ja, rivendosi sanksionet ndaj Iranit.

Në anën tjetër, Teherani tha se ka rritur pasurimin e uraniumit në nivele më të mëdha sesa që parasheh marrëveshja./rel/

Shpërndaje në rrjete sociale

Lajmet më të lexuara

Të ngjashme

Foto lajm