Kur perëndimorët diskutojnë se konflikti në Ukrainë po bëhet një “luftë e përjetshme”, ata e kanë cilësuar si diçka me pasoja negative. Për presidentin rus Vladimir Putin, megjithatë, ka të ngjarë të jetë një qëllim.

Javën e kaluar, Putin e bëri datën 30 shtator një festë zyrtare: Dita e Ribashkimit të rajoneve të aneksuara me Federatën Ruse.

Shënimi i një-vjetorit të aneksimit të rajoneve të Ukrainës Donetsk, Luhansk, Kherson dhe Zaporizhzhia, edhe pse shumica nuk ishin as nën kontrollin rus në atë kohë i dha një mundësi Putinit që të përmendte një nga obsesionet e tij aktuale: që kjo është një luftë “për Atdheun, për sovranitetin, vlerat shpirtërore, bashkimin dhe fitoren tonë”.

Në fjalimin e tij në paradën e Ditës së Fitores 2023, Putin tha se “një luftë e vërtetë është nisur kundër atdheut tonë”. Ai ngriti spektrin e Luftës së Madhe Patriotike, si e përshkruajnë rusët Luftën e Dytë Botërore dhe paralajmëroi se “civilizimi është përsëri në një pikë kthese vendimtare” sepse elitat globaliste perëndimore ishin të vendosura të shkatërroninRusinë.

Nga njëra anë, kjo mund të merret si një alibi apokaliptike për dështimin relativ të të ashtuquajturit “operacion special ushtarak” të tij në Ukrainë, në të cilin ai që duhej të ishte një operacion i shpejtë për të imponuar një regjim kukull, në vend të kësaj u bë një luftë e përgjakshme.

Megjithatë është më shumë se kaq. Kur Putin flet për këtë si një nga “betejat vendimtare për fatin e Atdheut tonë”, siç bëri në paradën e Ditës së Fitores të këtij viti, ai gjithashtu duket se po flet nga zemra dhe për regjimin e tij. Ai nuk po ofronte asnjë vizion të qartë për të ardhmen, madje as ndonjë shpresë të vërtetë, vetëm mesazhin se kombi ishte në një luftë ekzistenciale me një Perëndim armiqësor pa një fund të vërtetë në horizont.

Kjo tingëllon si një perspektivë e zymtë, por nga këndvështrimi i Putinit ajo ka gjithashtu virtytet e saj të qarta. Sigurisht, lufta është një katastrofë për Rusinë. Burimet e qeverisë amerikane sugjerojnë se Rusia mund të ketë regjistruar120,000 të vrarë dhe 170,000-180,000 trupa të plagosur, raporton abcnews.al.