Google ADS

Protestat masive në Armeni, dorëzohet qeveria

22:41 | 2 Maj 2018
Arbresh.info
Udhëheqësi i opozitës armene, Nikol Pashinyan pezulloi protestat mbarëkombëtare, pasi Partia qeverisëse Republikane tha se do të mbështesë tentativën e tij për t’u bërë kryeministër i përkohshëm.
 Demonstratat masive paralizuan vendin keqazi, pasi dhjetëra mijëra njerëz iu përgjigjën thirrjes së Pashinyan për mosbindje civile.

Kreu i opozitës i tha mbështetësve të tij se, ende duhet sqaruar pozicioni i partisë, por protestat do të pezullohen për një ditë.

Ishin republikanët, ata që ndaluan përpjekjen e parë të Pashinyan për t’u bërë kryeministër përmes votave në Parlament. Por, në një deklaratë të fundit, megjithëse nuk përmendën emra, republikanët thanë se do të mbështesin kandidantin që do të nominohet nga një e treta e deputetëve.

Partia republikane tha se nuk do të paraqesë vet asnjë kandidad, duke i hapur rrugën Pashinyanit si i nominuari i vetëm.

Protestat nisën pasi ish-kryeministri Serzh Sargsyan, përmes një referendumi plot parregullsi kaloi fuqitë e presidentit te kryeministri, e më pas la Presidencën për t’u bërë kryeministër. Lëvizje e qartë kjo për të mos iu ndarë pushtetit, gjë që nuk u pranua nga armenët, të cilët u hodhën në protesta masive, që rezultuan mjaft efektive dhe sollën dorëzimin e qeverisë.

Shpërndaje në rrjete sociale

Lajmet më të lexuara

Të ngjashme

Foto lajm