Të paktën 23 protestues janë vrarë gjatë ditës së premte në Irak, ku forcat e sigurisë kanë përdorur gaz lotsjellës dhe milicia e mbështetur nga Irani ka hapur zjarr në përpjekje për të shpërndarë protestuesit.
Protestat që kanë përfshirë Irakun janë si pasojë e korrupsionit dhe vështirësive ekonomike, transmeton portali arbresh.info
Një oficer i inteligjencës qeveritare dhe një anëtar i milicisë së fuqishme Asaib Ahl al-Haq u vranë në një përleshje me protestuesit në qytetin jugor të Amarës, thanë burimet e policisë.
Gati 1.800 njerëz u plagosën në shkallë vendi ndërsa demonstruesit dolën në rrugë për të ndezur zhgënjimin ndaj elitave politike për të cilët ata thanë se nuk kanë arritur të përmirësojnë jetën e tyre pas viteve të konflikteve.
Protestuesit kanë theksuar se kërkojnë punë, ujë, energji elektrike dhe siguri.
Këto janë protestat e dyta të dhunshme që kanë përfshirë Irakun gjatë këtij muaji.
Në protestat e mbajtura dy javë më parë janë vrarë rreth 157 njerëz dhe mbi 6 mijë janë plagosur.
Trazirat janë sfida më e madhe për kryeministrin Adel Abdul Mahdi që kur ai mori detyrën vetëm një vit më parë. Përkundër premtimeve për reforma dhe ndryshim të kabinetit, kryeministri nuk ia ka dalur që të luftojë pakënaqësinë e protestuesve./arbresh.info/
Paralajmërim serioz se pse nuk duhet të karikoni telefonin g...
Pamje nga vendi ku dyshohet se vëllai theri për vdekje vëlla...
Tumoret e trurit – llojet, simptomat dhe trajtimi
Vëllai vrau vëllain me thikë, policia jep detaje se si nisi ...
Pse ky vend e ndaloi iPhone 16?
Ferrari F1 i Michael Schumacher vendoset për shitje në ankan...