Google ADS

Protesta në Nikaragua, dhjetë të vrarë

12:50 | 21 Prill 2018
Arbresh.info

Dhjetë persona janë vrarë në Nikaragua në tre ditë të përleshjeve mes policisë dhe kundërshtarëve të sistemit të pensioneve, thonë zyrtarët.

Zëvendës presidentja Rosario Murillo fajësoi për dhunën “vampirët”, por tha që qeveria është e hapur për dialog, transmeton portali arbresh.info.

Është vala më vdekjeprurëse e trazirave në Nikaragua, qëkur presidenti Daniel Ortega mori pushtetin më 2007.

Së fundmi është miratuar ligji për rritje të kontributeve pensionale për punonjës dhe punëdhënës dhe ka zvogëluar benefitet e përgjithshme.

Dhuna nisi të mërkurën, kur pensionistët dolën në rrugë në kryeqytetin Managua. Të nesërmen atyre iu bashkuan mijëra studentë e punëtorë.

Të paktën 100 persona janë plagosur. Të vdekurit përfshijnë dy protestues dhe një polic, të cilët u vranë në Managua të premten, pasi demonstratat u kthyen të dhunë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm