Në konfliktet në muajin korrik mes ushtrisë së Mianmarit dhe grupeve të armatosura kundër grushtit ushtarak në vend, pretendohet se janë vrarë të paktën 740 persona nga ushtria e Mianmarit.

Në një postim nga media sociale e Qeverisë së Unitetit Kombëtar (NUG) e cila njihet si “qeveria civile” dhe e cila u formua më 16 prill nga deputetët e zgjedhur pas grushtit të shtetit në Mianmar që nuk njohën administratën ushtarake, përmenden konfliktet e përjetuara muajin e kaluar mes ushtrisë së Mianmarit dhe kundërshtarëve të grushtit të shtetit në mbarë vendin.

Sipas pretendimit të NUG-së, në 355 konfliktet e përjetuara gjatë muajit korrik janë vrarë të paktën 740 persona nga ushtria e Mianmarit.

Në konflikte si pasojë e sulmeve të ushtrisë së Mianmarit njoftohet se kanë humbur jetën rreth 200 civilë dhe janë plagosur 47 të tjerë.

Ushtria e Mianmarit humbjet më të mëdha i ka përjetuar në rajonin Sagaing dhe 417 nga anëtarët kanë humbur jetën si pasojë e konflikteve në këtë rajon.

Nga ushtria e Mianmarit nuk është bërë ndonjë deklaratë përballë pretendimeve të NUG-së.

Grusht shteti ushtarak në Mianmar

Ushtria e Mianmarit pas pretendimeve nga grupet e afërta politike pranë saj për mashtrime në zgjedhjet e 8 nëntorit 2020 dhe pas rritjes së tensioneve në vend, mori pushtetin më 1 shkurt.

Ushtria në vend shpalli gjendje të jashtëzakonshme për një vit, ndërsa më pas arrestoi shumë zyrtarë dhe drejtues të tjerë të partisë në pushtet, përfshirë edhe ministren e Jashtme, njëherësh lideren e vendit, Aung San Suu Kyi.

Deri tani 965 persona kanë humbur jetën si pasojë e ndërhyrjes së armatosur të ushtrisë ndaj protestuesve kundër grushtit të shtetit. Në vend vazhdojnë protestat me pjesëmarrje të gjerë dhe gjykimet në gjykatat ushtarake për zyrtarët e nivelit të lartë nën arrest. /AA