Presidenti i Turqisë flet për Katarin në Arabinë Saudite dhe Kuvajt

21:20 | 23 Korrik 2017
Trina Galanxhi

Presidenti i Turqisë është takuar me udhëheqësin e Kuvajtit për të diskutuar mënyrat për t’i dhënë fund krizës diplomatike mes Katarit dhe katër vendeve fqinje.

Recep Tayyip Erdogan udhëtoi të dielën mbrëma në Kuvajt për bisedime me emirin e vendit, sheik Sabah Al Ahmed Al Sabah, i cili ka ndërmjetësuar mosmarrëveshjen, transmeton portali arbresh.info

Më parë ai ka zhvilluar bisedime edhe me mbretin e Arabisë Sauditë, ndërsa të hënën do të udhëtojë drejt Katarit.

Arabia Saudite, Emiratet e Bashkuara Arabe, Egjipti dhe Bahreini prenë lidhjet dhe lidhjet e transportit me Katarin në fillim të qershorit, duke e akuzuar atë për mbështetjen e ekstremistëve. Katari ka mohuar akuzat dhe mosmarrëveshjen e sheh sit ë motivuar politikisht./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm