Në Peru është thelluar kriza politike, pasi që presidenti Martín Vizcarra shpërndau Kongresin, duke thënë që ky organ po bllokonte masat e tij anti-korrupsion.

Më pas Kongresi i udhëhequr nga opozita votoi për të suspenduar Vizcarran, duke emëruar zëvendës-presidentin lider të ri, transmeton portali arbresh.info.

Por, zyrtarët thonë se kjo lëvizje ishte e pavlefshme, pasi që legjislativi veçse ishte mbyllur.

Qindra mbështetës të Z. Vizcarra u mblodhën jashtë ndërtesës së Kongresit në kryeqytetin Lima, për të inkurajuar vendimin, ndërsa policia speciale ishte pranë.

Skenat kaotike erdhën kur Peru ishte ende duke u tërhequr nga rreziku i një skandali masiv korrupsioni që përfshin firmën braziliane të ndërtimit Odebrecht.

“Njerëz peruan, ne kemi bërë gjithçka mundëm”, tha z. Vizcarra në një deklaratë televizive, duke njoftuar se ai kishte thirrur një artikull kushtetues që i lejonte presidentët të shpërndanin Kongresin.

Ky veprim drastik, tha ai, ishte i nevojshëm për të mbajtur zgjedhje të reja legjislative pasi parlamentarët nuk arritën të kalojnë reformat e tij dhe, javën e kaluar, refuzuan një projekt-ligj për të mbajtur zgjedhje të parakohshme.

Por ligjvënësit e opozitës u përgjigjën duke e quajtur atë një “diktator” dhe votuan ta shpallin atë të pezulluar përkohësisht, duke emëruar Zëvendës Presidentin Mercedes Aráoz si zëvendësues.

Vizcarra u betua në vitin e kaluar pasi paraardhësi i tij, Pedro Pablo Kuczynski, dha dorëheqjen për akuzat e korrupsionit.

Tre presidentët e tjerë më të fundit të Perusë kanë qenë të lidhur me skandalin e Odebrecht – i cili pa që drejtuesit e firmës së ndërtimit rrëfejnë se kishin paguar ryshfete për politikanët në këmbim të kontratave në pjesë të ndryshme të botës./arbresh.info/