Presidenti i Parlamentit Evropian kërkon të zbardhet vrasja e gazetares malteze

11:03 | 22 Prill 2018
Arbresh.info
Presidenti i Parlamentit Evropian, Antonio Tajan ka bërë thirrje që autoritetet të gjejnë se kush ka urdhëruar vrasjen e gazetares malteze, Daphne Caruana Galizia, pasi kolegët e saj kanë publikuar artikuj të hetimeve që ajo ka bërë, të cilat kanë thelluar më shumë misterin mbi vdekjen e saj.
Caruana Galizia, 53-vjeçare, ishte vrarë vitin e kaluar, pas një sulmi me makinë-bombë. Ajo, para se të vritej kishte ekzposuar korrupsionin në elitën në Maltë.

Këtë javë, gazetarët publikuan një sërë zbulimesh dhe dokumentesh që gazetarja e vdekur kishte pasur në posedim.

Tre persona janë arrestuar lidhur me vrasjen, por Tajani ka thënë se autoritetet duhet të hetojnë nëse fuqi më të larta kanë urdhëruar vrasjen e gazetares.

“Ne nuk do të ndalemi, ne do nuk do t’i ndalim hetimet derisa të gjejmë se kush urdhëroi vrasjen e Daphne Caruana Galizia”, ka thënë Tajani, në një intervistë të publikuar në të përditshmen italiane, La Repubblica.

Tajani ka thënë se vdekja e gazetares duhet të zbardhet, nëse Evropa dëshiron ta distancojë vetën nga shtetet ku gazetarët vriten ose burgosen në mënyrë rutinore, për arsye politike.

Shpërndaje në rrjete sociale

Lajmet më të lexuara

Të ngjashme

Foto lajm