Google ADS

Prekëse, logo e BE-së në mbajtësen e çelësave të një viktime civile në Ukrainë

19:20 | 3 Prill 2022
A. B.

Një foto shumë e dhimbshme po qarkullon në internet ku shihet dora e një gruaje e cila është vrarë në qytetin Irpin të Ukrainës.

Ky qytet ka kohë që po qëndron ndaj sulmeve të njëpasnjëshme të agresorit rus.

Viktima, që është një civile banore e këtij qyteti, ka pasur në dorë çelësat dhe në to shihej edhe logo e BE-së.

“Çmimi i lirisë. Trupi i një gruaje të re në Irpin, e cila pagoi çmimin përfundimtar për dëshirën e Ukrainës për të qenë Europiane”, shkruan personi që e ka shpërndarë këtë foto.

Sot përndryshe kanë dalë në pah edhe barbaritë që janë kryer nga trupat e Putinit në Bucha ku janë masakruar një numër i madh i civilëve, që ka shkaktuar edhe reagime ndërkombëtare për shkelje flagrante të të drejtave të njeriut.

Rusia ka sulmuar caqe të ndryshme civile prej fillimit të agresionit ndaj Ukrainës.

Shpërndaje në rrjete sociale

Lajmet më të lexuara

Të ngjashme

Foto lajm