Qëndrimi i Rezervave Federale të SHBA-së duket se është zhvendosur nga bllokimet e përsëritura në garë dhe pabarazinë mes ndikimeve të shkaktuara nga COVID-19 në jetën e njerëzve.

Kreu i Rezervave Federale të SHBA-së (FED), Jerome Powell sot premtoi se do të bëjë ndryshime në humbjet masive të vendeve të punës që kanë ndikuar në mënyrë disproporcionale pakicat për shkak të pabarazisë gjithnjë e më të madhe racore.

Pas takimit të fundit të FED, Powell tha se ajo që më së shumti banka mund të bënte do të ishte të shfrytëzojë mjetet e saj për të luftuar papunësinë e njerëzve me ngjyrë dhe pabarazitë e tjera ekonomike.

“Ne mund të shfrytëzojmë mjetet tona që të mbështesim tregun e punës dhe të mbështesim ekonominë. Ne mund t’i përdorim ato deri në rikuperimin e plotë”, tha ai në një konferencë për media.

Dje, FED tha se nuk kishte plane për të rritur normat e interesit deri në vitin 2022 pasi ekonomia globale vazhdon të gjejë veten në mes të presionit ekonomik nga pandemia e koronavirusit të ri (COVID-19).

Duke iu referuar protestave të fundit anti-raciste pas vdekjes së afro-amerikanit të paarmatosur George Floyd derisa ishte i arrestuar nga policia, Powell tha: “Dua të pranoj ngjarjet tragjike që përsëri kanë vënë në qendër të vëmendjes dhimbjen e padrejtësisë racore në këtë vend”.

Ai gjithashtu komentoi humbjet e vendeve të punës në mes të pandemisë. Powell tha se kjo ishte për të ardhur keq, pasi SHBA në të vërtetë kishte tregun e parë të fuqishëm të punës në një çerek shekulli.

Powell nënvizoi se rënia nuk kishte ndikim të njëjtë tek të gjithë amerikanët dhe shtoi se politikëbërësit ishin të vetëdijshëm për këtë./AA/