Google ADS

Pompeo përshëndeti marrëveshjen e zonës së sigurt me Turqinë

10:53 | 10 Gusht 2019
Arbresh.info

Sekretari amerikan i Shtetit, Mike Pompeo, të premten tha se ishte i kënaqur me përparimin drejt krijimit të një Qendre të Përbashkët Operacionesh në Turqi për të koordinuar krijimin e një zone të sigurt në veri-lindje të Sirisë, raporton Anadolu Agency (AA).

“Jam i kënaqur që bisedimet midis SHBA-ve dhe Turqisë çuan në përparim të rëndësishëm drejt krijimit të një mekanizmi të qëndrueshëm të sigurisë për të adresuar shqetësimet tona të përbashkëta të sigurisë në veri-lindje të Sirisë”, tha Pompeo në Twitter.

“Krijimi i zonës së sigurt do të ishte një hap i madh drejt arritjes së paqes dhe sigurisë”, shtoi ai.

Zyrtarët ushtarakë turq dhe amerikanë ranë dakord të mërkurën se zona e sigurt do të ishte një “korridor paqeje” për sirianët e zhvendosur që dëshirojnë të kthehen në shtëpi dhe për krijimin e Qendrës së Përbashkët të Operacioneve.

Të dy palët gjithashtu ranë dakord për zbatimin e menjëhershëm të masave për të adresuar shqetësimet e sigurisë së Turqisë.

Shpërndaje në rrjete sociale

Lajmet më të lexuara

Të ngjashme

Foto lajm