Pompeo përgëzon progresin e arritur në bisedimet me talebanët

11:45 | 27 Janar 2019
Arbresh.info

Sekretari amerikan i Shtetit, Mike Pompeo, e quajti “përparim të theksuar” dialogun për paqe me Afganistanin, pas gjashtë ditësh bisedime me talebanët në Katar, për t’i dhënë fund konfliktit 17 vjeçar.

“Lajm inkurajues nga i dërguari i posaçëm i SHBA-së, Zalmay Khalilzad”, tha Pompeo në Tëitter.

“Ai ka raportuar progres të madh në bisedimet me talebanët”, shtoi Pompeo.

Pompeo po ashtu tha se Shtetet e Bashkuara janë të vendosura për të ndjekur paqen dhe për të parandaluar sulmet terroriste ndërkombëtare në Afganistan.

Uashingtoni po punon me qeverinë afgane dhe të gjitha palët e interesuara për të fuqizuar sovranitetin e Afganistanit, pavarësinë dhe prosperitetin.

Ai shtoi se ende nuk është arritur ndonjë marrëveshje finale me militantët, por se bisedimet do të vazhdojnë përsëri.

 

Shpërndaje në rrjete sociale

Lajmet më të lexuara

Të ngjashme

Foto lajm