Polonia refuzon ushtrinë evropiane, kërkon ndihmën e NATO’s e SHBA-ve

21:17 | 15 Shkurt 2019
Arbresh.info

Ministri i jashtëm polak ka hedhur poshtë idenë e krijimit të një ushtrie të BE-së të pavarur nga NATO-ja në Konferencën e Sigurisë në Munih.

Polonia, tha ai ka nevojë për prezencën amerikane për të garuar me Rusinë, transmeton portali arbresh.info.

Kombinimi i forcave ushtarake të 28 shteteve anëtare të BE-së ka qenë një ide e disa prej liderëve të Bashkimit Evropian.

Presidenti francez Emmanuel Macron shfaqi dëshirën për një “ushtri të vërtetë evropiane” për të mbrojtur evropianët nga Rusia, Kina e madje edhe nga SHBA-të vitin e shkuar.

Kurse kancelarja gjermane Angela Merkel i dha mbështetje, duke deklaruar që një ushtri e tillë do të siguronte që “më kurrë të mos ketë luftë mes shteteve evropiane”.

Plani gjithashtu ka mbështetjen e presidentit të Komisionit Evropian Jean-Claude Juncker./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm