Poloni, ambasada turke sulmohet me koktej molotovi

21:28 | 28 Dhjetor 2021
A Z

Ambasada turke në Poloni është sulmuar me koktej molotovi, transmeton Anadolu Agency.

Agjencia polake e lajmeve PAP raportoi se ngjarja ka ndodhur rreth orës 14:00 sipas kohës lokale kur një burrë 34-vjeçar me origjinë turke hodhi tre koktej molotivi në ndërtesën e ambasadën, që ndodhet në rrugën Rakowiecka në kryeqytetin Varshavë.

Pas incidentit, ekipet e policisë janë dërguar në vendin ku ndodhet ndërtesa e ambasadës.

Duke cituar burime policore, i dyshuari u kap nga forcat e sigurisë që ruanin ambasadën dhe askush nuk u lëndua në incident.

Departamenti i policisë së Varshavës ekzaminoi regjistrimet nga kamerat e sigurisë në ndërtesë dhe nisi një hetim në shkallë të gjerë për incidentin.

Ndërkohë, ambasadori turk në Poloni, Cengiz Kamil Fırat, për transmetuesin turk TRT Haber tha se ata kontaktuan autoritetet polake dhe paraqitën një ankesë për sulmin.

Fırat tha se policia ka bashkëpunuar dhe ka ndërhyrë menjëherë.

Shpërndaje në rrjete sociale

Lajmet më të lexuara

Të ngjashme

Foto lajm