Kërkesa e një gruaje myslimane, 28-vjeçare, ka arritur deri në gjykatë, pasi ajo kërkon që të parandalojë burrin e saj që të marrë një grua tjetër pa pëlqimin e saj.

Kërkesa e saj ka qenë në qëndër të vëmendjes mbi praktikën e poligamisë mes myslimanëve në Indi, shkruan BBC, transmeton portal arbresh.info

Reshma, i cili përdor vetëm një emër, gjithashtu dëshiron që Gjykata e Lartë e Delhi të urdhërojë qeverinë të hartojë ligje për të rregulluar “praktikën regresive” të bigamisë ose poligamisë.

Sipas dokumenteve të gjykatës, ajo u martua me Md Shoeb Khan në janar 2019 dhe në nëntor të vitit të ardhshëm, çifti lindi një fëmijë.

Ajo akuzon burrin e saj për dhunë në familje, mizori, ngacmime dhe kërkesa për pajë, ndërsa edhe ai ka ngritur pothjase të njejtat akuza për të.

Ajo gjithashtu thotë se ai e ka braktisur atë dhe fëmijën e tyre dhe ka në plan të marrë një grua tjetër.

Duke e përshkruar veprimin e tij si “jokushtetues, anti-sheriatik, të paligjshëm, arbitrar, të ashpër, çnjerëzor dhe barbar”, ajo thotë se “kjo praktikë duhet të rregullohet për të frenuar gjendjen e vështirë të grave myslimane”.

Ndërsa gjykata ndalet në marrëdhënien e tyre të ashpër dhe ligjshmërinë e poligamisë, çështja ka nxitur një debat mbi praktikën e cila është e paligjshme në Indi, me përjashtim të myslimanëve dhe disa komuniteteve fisnore.

Rreth 2 përqind e popullsisë globale jeton në plogami, sipas Qendrës Kërkimore Peë.

Kjo praktikë është e ndaluar në pjesën më të madhe të botës, duke përfshirë në vendet me shumicë myslimane si Turqia dhe Tunizia, dhe është e rregulluar gjerësisht në shumicën e vendeve ku lejohet.

OKB-ja e ka përshkruar atë si “një diskriminim të papranueshëm ndaj grave” dhe bëri thirrje që ai “të shfuqizohet përfundimisht”.

Në Indi Partia nacionaliste hindu Bharatiya Janata (BJP) e kryeministrit Narendra Modi ka premtuar se do të miratojë një Kod Civil Uniform (UCC) – një pjesë e diskutueshme e legjislacionit që do të thotë se martesat, divorcet dhe trashëgimia nuk do të qeverisen më nga ligji i tyre fetar, por do të përfshihen në një ligj i përbashkët i zbatueshëm për të gjithë qytetarët.

Dhe në një kohë kur vendi është shumë i polarizuar përgjatë linjave fetare, çdo reformë e sugjeruar nga qeveria do të konsiderohet si një sulm ndaj Islamit nga shumica e myslimanëve.

Burrat myslimanë në Indi lejohen të marrin deri në katër gra dhe sanksionet mbi poligaminë lejohen vetëm nën “kushte dhe kufizime të rrepta”.

SY Qureshi, ish-kryekomisioneri i zgjedhjeve dhe studiuesi i Islamit, thotë në Indi, “perceptimi i përgjithshëm është se çdo mysliman ka 4 gra dhe se ata lindin shumë fëmijë, gjë që përfundimisht do të çojë në tejkalimin e numrit të myslimanëve karshi hinduve”.

Megjithatë, kjo nuk është e vërtët, pese vetëm 1.3 miliardë banorë të Indisë janë myslimanë, ndërsa hindutë përbëjnë 80 përqind të popullsisë.

“Kurani thotë se një burrë mund të marrë një grua të dytë, të tretë ose të katërt, por vetëm nga jetimët dhe të vejat dhe se ai duhet t’i trajtojë të gjithë në mënyrë të barabartë. Çdo gjë tjetër është shkelje. Por të duash njësoj është pothuajse e pamundur në praktikë. Është jo vetëm t’u blesh të njëjtat rroba, është shumë më tepër se kaq”, shton ai.

Në Indi, poligamia ka filluar të konsiderohet si shkelje e të drejtave të grave dhe shumë gra janë duke bërë thirrje që kjo të ndalohet./bbc/arbresh.info/