Një sasi rekorde e heroinës është gjetur nga policia britanike. Trafikantët e kishin fshehur atë mes peshqirëve dhe rrobave të natës në një anije mallrash.
Agjencia Kombëtare e Krimeve e Britanisë së Madhe tha se sasia e konfiskuar prej 1.3 tonësh paraqet rekord për konfiskimin e drogave të klasit të parë në këtë shtet dhe është njëra nga më të mëdhatë në Evropë. Droga u gjet në anijet “MV Gibraltar” pasi ajo ishte ndalur në portin “Felixstowe” më 30 gusht.
Droga ishte e futur në pako, në të cilat ishte mbishkrimi “proteina pluhur” dhe ishin vendosur në pako më të mëdha, të cilat ishin të mbushura me peshqirë dhe rroba nate.
Pasi policia e largoi drogën nga anija, zyrtarët e kthyen pjesën tjetër të dërgesës në anije. Ajo e vazhdoi lundrimin në Antwerp dhe arriti në portin e këtij qyteti bregdetar belg më 1 shtator. Zyrtarët e portit më pas i arrestuan katër persona.
Jenny Sharp, drejtoreshë ndihmëse e Forcave Kufitare, tha se disa prej pakove njëkilogramshe të heroinës ishin të qepura brenda peshqirëve dhe policëve iu nevojitën rreth gjashtë orë për t’i nxjerrë ato, shkruan “The Guardian”.
Hapja e grupkapitujve të parë me BE, Rama: Nevojiten reforma...
Hasani takon Ardita Sinanin, rikonfirkon mbështetjen e qever...
Ten Hag konfirmon interesimin e klubit për transferimin e lo...
Gjenerallejtënant Bashkim Jashari qëndroi në vizitë zyrtare ...
Ferronikeli kërkon fitoren e parë, Drita vazhdimin e ecurisë...
Rumania thotë se edhe një dron tjetër shkeli hapësirën e saj...