Google ADS

“Po bëhet gati e turpshme të jesh amerikan”, thotë kreu i bankës më të madhe amerikane

22:24 | 14 Korrik 2017
Trina Galanxhi

Shefi ekzekutiv i bankës më të madhe në SHBA ka  shprehur zhgënjimin e tij në lidhje me politikën e Uashingtonit, ndërsa ka shtuar se ‘ po bëhet e turpshme të jesh amerikan’.

Jamie Dimon, shefi ekzekutiv i JPMorgan Chase & Co, vitin e kaluar hodhi poshtë mundësinë për t’u bërë Sekretari i Thesarit për administratën Trump, transmeton portali arbresh.info

Banka e tij ka raportuar një fitim tremujorsh prej 7.03 bilionë dollarësh, 13 për qind më shumë se në vitin e kaluar.

Përkundër kësaj, Dimon para gazetarëve tha se ‘shpesh herë ndjehem në siklet kur udhëtoj jashtë vendit’.

“Po bëhet e padurueshme për qytetarët amerikanë të udhëtojnë jashtë vendit, për arsye se do të dëgjojnë se ‘budallenjtë’ po e udhëheqin këtë vend”, tha ai. “Në një pikë, ne duhet të veprojmë së bashku dhe duhet të bëjmë më shumë për shtresën mesatare”.

Ai u ka bërë thirrje mediave që të përqendrohen më shumë te çështje më të mëdha, të tilla si infrastruktura, epidemia e opiumit, taksat dhe vendet e punës./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm