Nëntë persona janë plagosur pas të shtënave me armë zjarri në një festë të adoleshentëve në Texas.

Të shtënat që u dëgjuan herët të dielën ndodhën në një rezidencë private, ku rreth 250 nxënës të shkollës së mesme Jasper ishin mbledhur mbrëmjes së maturës.

Viktimat, emrat e të cilëve nuk janë bërë publikisht, varionin nga 15 deri në 19 vjeç. Të gjithë po shërohen nga plagët e tyre në dy spitale lokale.

Policia ende nuk ka arrestuar askënd shkruan BBC.

Të shtënat me armë i dhanë fund të papritur festës në shtëpi në veri të Jasper, një qytet me rreth 7,000 banorë në Teksasin lindor, pak pas mesnatës të së dielës.

Sipas policisë, asnjë nga viktimat nuk ka pësuar lëndime të serioze për jetën. Ato përfshijnë një vajzë 19-vjeçare e cila mori dy plagë me armë zjarri në dorë dhe një yll futbolli, i cili u qëllua në gju.

Të shtënat ishin të dytat që ndodhën brenda natës brenda kufijve të qytetit dhe zyra e sherifit po heton nëse të dy ishin të lidhur.

Incidentet me armë zjarri tani janë shkaku kryesor i vdekjes për fëmijët dhe adoleshentët amerikanë, sipas Qendrave të SHBA për Kontrollin dhe Parandalimin e Sëmundjeve.

Fundjavën e kaluar, katër persona u vranë dhe 28 të tjerë u plagosën nga të shtënat në një ditëlindjeje në Alabama./Arbesh.info/