Përkundër Brexit, qytetarët e BE-së vazhdojnë të emigrojnë në Britani të Madhe

22:01 | 22 Shkurt 2018
Trina Galanxhi

Numri i shtetasve të BE-së që po largohen nga Britania e Madhe është në nivelin më të lartë për një dekalë, pasi rreth 130 mijë emigrantë janë larguar nga vendi.

Megjithatë, një numër edhe më i madh i shtetasve të BE-së, rreth 220 mijë, janë shpërngulur në Britani të Madhe që nga shtatori i vitit të kaluar, tregojnë shifrat zyrtare, transmeton portali arbresh.info

Sipas raportit qeveritar, migrimi neto i qytetarëve të BE-së ishte më i ulëti për pesë vjet.

Autoritete kanë theksuar se numri i ulët i ardhjeve dhe numri i lartë i ikjeve, lidhet ngushtë me daljen e Britanisë së Madhe nga Bashkimi Europian.

Shifrat gjithashtu tregojnë se shumë qytëtarë të Britanisë së Madhe po emigrojnë, ndërsa një numër i vogël ka vendosur që të kthehet të jetojë në vend.

Rreth 285,000 shtetas që nuk janë anëtarë të BE hynë në Britani të Madhe në periudhën 12-mujore,ndërsa rreth 80 mijë janë deportuar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm