Google ADS

Përfshihet nga flakët spitali në Pekin, 21 të vdekur

18:15 | 18 Prill 2023
E.H

Gjithsej 21 persona humbën jetën në një zjarr që shpërtheu në një repart spitalor në Pekin, Kinë, sipas Pekin Daily.

Zjarri ka rënë rreth orës 13:00. dhe u shua 35 minuta më vonë pasi një ekip urgjence nxitoi në vendngjarje në Spitalin Changfeng.

Gjithsej 71 persona janë evakuuar nga spitali.

“Është tragjike. Unë e pash të gjithë ngjarjen nga dritarja e shtëpisë sime. Shumë njerëz po qëndronin në njësinë e ajrit të kondicionuar, dhe disa madje u hodhën”, tha një përdorues i faqes së rrjeteve sociale Weibo, sipas Reuters.

Videot e zjarrit që qarkulluan në mediat sociale treguan tym të zi që dilte nga ndërtesa, disa njerëz dilnin nga ndërtesa përmes dritareve duke përdorur çarçafë. Të tjerët u strehuan në njësitë e ajrit të kondicionuar jashtë dritareve.

Shkaku i zjarrit është duke u hetuar, thuhet në raport.

Shpërndaje në rrjete sociale

Lajmet më të lexuara

Të ngjashme

Foto lajm