Një pastor amerikan i krishterë që po gjykohet në Turqi për akuzat për terrorizëm, ka apeluar përsëri në një gjykatë turke për ta liruar nga arrestimi shtëpiak dhe për t’ia hequr ndalimin e udhëtimit, tha avokati i tij për Reuters të martën (sot).

Marrëdhëniet ndërmjet dy aleatëve të NATO-s kanë shpërthyer në një krizë të plotë mbi gjyqin e pastorit të krishterë Andrew Brunson, i cili u mbajt për 21 muaj në një burg turk deri në transferimin e tij në arrest shtëpiak muajin e kaluar – një masë që Uashingtoni e hodhi poshtë si të pamjaftueshëm.

Dokumenti i ankesës së parë nga Reuters thoshte se gjykata duhet të ndalojë ndërhyrjet e paligjshme politike dhe të heqë dispozitat e kontrollit gjyqësor të vendosura ndaj Andrew Brunson.

Brunson, i cili jeton në Turqi për më shumë se dy dekada, u akuzua për ndihmën e mbështetësve të Klerikut Fethullah Gulen, pët të cilët autoritetet turke thanë se kanë organizuar përpjekje të grushtit të shtetit kundër presidentit Tayyip Erdogan në vitin 2016.

“Gjykata duhet të parandalojë ndërhyrjet e paligjshme politike duke hequr dispozitat e kontrollit gjyqësor ndaj të pandehurit,” thoshte dokumenti.

Lira turke u zhyt në probleme gjatë përplasjeve të thella të Uashingtonit dhe Ankarasë, duke arritur një rekord të rënies prej 7.24 dollarë amerikan dhe duke humbur rreth 45 përqind të vlerës deri më tani këtë vit.

Shtetet e Bashkuara vendosën sanksione ndaj dy ministrive turke dhe dyfishuan tarifat doganore mbi importet turke të aluminit dhe çelikut pasi Brunson u vendos në arrest shtëpiak.

Avokati i Brunson, Ismail Cem Halavurt, tha se gjykata kishte deri në shtatë ditë për të vendosur. Brunson, i cili përballet me 35 vjet burg, nëse shpallet fajtor, mohon akuzat.

Seanca e ardhshme e Brunson si pjesë e gjykimit është planifikuar për në 12 tetor./arbresh.info/