Tajfuni Gaemi ka zbarkuar të enjten në Kinë, pasi ka bërë kërdinë në Tajvan dhe Filipine.
Më shumë se 150.000 njerëz që jetojnë në provincën kineze Fujan, në juglindje të shtetit, janë shpërngulur në zona më të sigurta.
Në Tajvan dhe Filipine është raportuar për 21 persona të vdekur, si pasojë e stuhisë.
Autoritetet në Filipine kanë thënë se janë në garë me kohën për të penguar rrjedhjen e naftës, pasi një cisternë me 1.5 milion litra të naftës industriale është përmbysur dhe është fundosur në brigje.
Kina e ka rritur alarmin në nivelin më të lartë, pas zbarkimit të tajfunit në pasditen e së enjtes.
Shërbimet e trenave janë pezulluar në Fujan, derisa autoritetet në veri të Kinës kanë paralajmëruar për shira të rrëmbyeshëm, të cilët mund të rezultojnë me rrëshqitje dheu dhe vërshime.
Kina është duke përjetuar këtë vit një verë me ndryshime të mëdha të motit, pasi në lindje dhe jug po regjistron reshje të shumta, ndërsa në veri nxehtësi ekstreme.
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?