Pas Suedisë edhe ky shtet pezullon vaksinën AstraZeneca

13:00 | 16 Mars 2021
A. B.

Letonia është shteti i fundit që mori vendim për pezullimin e vaksinës së kompanisë AstraZeneca kundër sëmundjes Covid-19.

Autoritetet në Letoni njoftuan se pezullimi do të zgjasë së paku dy javë. “Vendimi është i mbështetur në raportet prej shteteve të Bashkimit Evropian për tromboembolizëm dhe raste të ngjashme që janë vërejtur në kohë të ndryshme pas marrjes së vaksinës” tha agjencia shëndetësore e këtij vendi, shkruan “the independent” transmeton portali arbresh.info

Megjithatë, kjo agjenci shtoi se ende nuk ka të dhëna për lidhje mes vaksinimit dhe problemeve serioze shëndetësore.

Të njëjtin vendim të martën e mori edhe Suedia, ndërsa Gjermania, Franca dhe Italia e pezulluan përdorimin e kësaj vaksine të hënën, pasi disa shtete tjera raportuan efekte anësore serioze, përfshirë mpiksjen e gjakut, ndonëse Organizata Botërore e Shëndetësisë ka thënë se nuk është gjetur lidhje mes kësaj vaksine dhe efekteve negative. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm