Pas më pak se dy javë, presidenti meksikan rezulton negativ ndaj COVID-19

07:59 | 5 Shkurt 2021
V. S.

Presidenti meksikan Andres Manuel Lopez Obrador, ka rezultuar negativ për COVID-19, tha qeveria të enjten, pas më pak se dy javë pasi 67-vjeçari njoftoi se ishte infektuar me virusin, shkruan Reuters.

“Tashmë jam mirë me shëndet, po shërohem”, tha Lopez Obrador në një mesazh me video nga Pallati Kombëtar, duke shtuar se një test që bëri në mëngjes ishte negativ.

“Ne duhet të ecim përpara në këtë krizë shëndetësore, pandemi dhe krizë ekonomike”, shtoi ai. “Do të jemi mirë”.

Lopez Obrador ishte një duhanpirës deri sa pësoi një sulm të madh në zemër në 2013, dhe ka një histori të problemeve të zemrës. Por që nga njoftimi i tij më 24 janar, zyrtarët e shëndetësisë kanë përsëritur se ai po bën mirë, me vetëm simptoma të lehta.

Meksika ka regjistruar 162,922 vdekje në pandemi, një nga numrat më të mëdhenj të vdekjeve, dhe menaxhimi i krizës së Lopez Obrador ka tërhequr kritika të qëndrueshme nga kundërshtarët politikë dhe ekspertët mjekësorë./klankosova/

Shpërndaje në rrjete sociale

Lajmet më të lexuara

Të ngjashme

Foto lajm