Pas letrës së Trump, kryeministri spanjoll shmangë angazhimin për më shumë shpenzime ushtarake

19:02 | 4 Korrik 2018
Arbresh.info

Kryeministri spanjoll Pedro Sánchez i tha të martën sekretarit të përgjithshëm të NATO-s, Jens Stoltenberg, se kontributi i një vendi për sigurinë globale nuk mund të matet thjesht nga një përqindje e shpenzimeve, por edhe nga parametra të tjerë të tillë si “disponueshmëria e kapacitetit ushtarak” dhe “gatishmëria për ta përdorur atë”.

Kreu i Partisë Socialiste (PSOE) i bëri këto vërejtje në një takim në Madrid me kreun e NATO-s në të njëjtën ditë kur doli se Spanja, si disa aleatë të tjerë të NATO-s, kishte marrë një letër nga Presidenti i SHBA Donald Trump duke u ankuar se ata nuk po kontribuojnë mjaftueshëm për mbrojtjen kolektive, transmeton portali arbresh.info.

Letra i kërkoi Sanchezit të rriste shpenzimet ushtarake në 2% të prodhimit të brendshëm bruto (PBB), siç u premtua në samitin e Uellsit të vitit 2014.

Spanja është një nga anëtarët e NATO-s që shpenzon më së paku në mbrojtje: 0.92% të PBB-së në 2017, vetëm përpara Belgjikës (0.90%) dhe Luksemburgut (0.46%)./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm