Presidenti i Ukrainës, Volodymyr Zelenskyy, ka njoftuar se pas bisedës me homologun e tij amerikan Joe Biden, Ukraina ka pranuar 1 miliard dollarë përkrahje financiare dhe 3 miliardë dollarë të tjera për projekte në Ukrainë nga ShBA-ja.
“Partneriteti Strategjik në vepra – ne i jemi mirënjohës Shteteve të Bashkuara për ofrimin e mbështetjes financiare të konsiderueshme prej 1 miliard dollarë dhe 3 miliardë dollarë në dispozicion për projektet në Ukrainë. Faleminderit Presidentit Joe Biden për vendimin e shpejtë dhe rezultatet konkrete pas bisedës sonë”, ka shkruar Zelenskyy.
Çmimi i karburanteve ra nga niveli më i lartë në shtatë vitet e fundit për gati 2.5 për qind në mëngjesin e së martës, pasi Rusia tha se disa trupa të saj në kufirin me Ukrainën do të kthehen në bazat e tyre. Çmimi në bursën amerikane për naftë të papërpunuar, ËTI, ra për 2.7 për qind në 92.88 dollarë për fuçi, pas shenjave për uljen e tensioneve, shkruan BBC.
Vlera e aksioneve gjithashtu shënoi rritje në bursën e Londrës. “Kriza Rusi – Ukrainë e ka vendosur tregun e energjisë në alarm të lartë për pengesa të mundshme ndaj furnizimeve ruse të energjisë”, tha Stephen Brennock nga kompania për ndërmjetësim në shitjen e karburanteve, “PVM”.
Çmimi i arit, që vlerësohet si aset i sigurt në kohë të brishta, ra për 0.5 për qind./arbresh.info/
Turki Alalshikh ka gjetur kundërshtarin e radhës për Daniel ...
Kriza në Lindjen e Mesme, Blinken: Izraeli ka të drejtë të m...
Rama në OKB: Kosova, realitet i pakthyeshëm ndërkombëtar
Kurti u takua me kryeministrin e Kroacisë, diskutuan për rap...
Ushtria izraelite urdhëron banorët në disa zona të Bejrutit ...
Nuk do të dalin nga moda: Tapeta muri me lule për çdo shtëpi