Parlamenti ukrainas zgjat edhe për 90 ditë gjendjen e luftës

22:38 | 15 Gusht 2022
Trina Galanxhi

Parlamenti i Ukrainës ka zgjatur sot gjendjen e luftës dhe mobilizimin e përgjithshëm në vend edhe për 90 ditë.

“Ukraina ka dashur gjithmonë paqe dhe i ka ofruar shumë herë në formate të ndryshme negociuese udhëheqjes ruse për t’i dhënë fund luftës dhe për të çliruar tokën ukrainase nga okupimi”, tha presidenti Volodymyr Zelensky.

Rusia, shtoi ai, beson te terrori dhe vazhdon të besojë “iluzionet e saj propagandistike dhe shpreson se do të arrijë diçka përmes formave të ndryshme të shantazhit – nuk do ta bëjë”.

Zelensky theksoi se Ukraina duhet të mbrohet dhe se sa më e fortë të jetë, aq më e dobët do të jetë Rusia dhe lufta do të zgjasë më shkurt.

Rusia nisi një pushtim ushtarak të Ukrainës fqinje më 24 shkurt dhe disa raunde bisedimesh për paqen kanë dështuar.

 

Shpërndaje në rrjete sociale

Lajmet më të lexuara

Të ngjashme

Foto lajm