Parlamenti ukrainas: Mbi 121 fëmijë të vrarë që nga fillimi i luftës

21:48 | 24 Mars 2022
KRG

Më shumë se 4,300 shtëpi të shkatërruara dhe 121 fëmijë të vrarë që nga fillimi i pushtimit rus, pretendon parlamenti i Ukrainës.Zyrtarët ukrainas kanë deklaruar se 4,379 shtëpi janë shkatërruar nga ushtria ruse që nga fillimi i luftës në Ukrainë.

Nëpërmjet një postim në kanalin zyrtar në Telegram të parlamentit ukrainas shkruhet se 6.5 milionë ukrainas kanë braktisur shtëpitë e tyre që prej hyrjes së ushtrisë ruse në Ukrainë, 24 shkurt.

Parlamenti tha gjithashtu se mijëra njerëz janë vrarë, duke përfshirë 121 fëmijë.

Megjithatë Skynews thekson se nuk ka verifikuar shifrat në mënyrë të pavarur.

Në vlerësimin e saj të fundit, Kombet e Bashkuara thanë se më shumë se 3.5 milionë refugjatë janë larguar nga Ukraina.

Shpërndaje në rrjete sociale

Lajmet më të lexuara

Të ngjashme

Foto lajm