Google ADS

Parlamenti i ri i Katalonjës do të mblidhet me 17 janar

20:55 | 29 Dhjetor 2017
Trina Galanxhi

Kryeministri i Spanjës ka deklaruar se me 17 janar të vitit 2018 do të mbledhë Parlamentin e ri të Katalonjës dhe shpreson se qeveria e ardhshme do të heq dorë nga kërkesa për pavarësi.

Mariano Rajoy vendosi datën pas zgjedhjeve parlamentare, në të cilat fituese dolën partitë separatist, pikërisht të cilat ai kërkonte t’i mbante larg pushtetit, shkruan “AP”, transmeton portali arbresh.info

Rajoy urdhëroi zgjedhjet e 21 dhjetorit nën fuqinë kushtetuese, pasi në tetor ai bëri thirrje për shpërndarjen e parlamentit.

Vendimi erdhi pas mbajtjes së referendumit për pavarësi dhe shpalljes së Katalonjës Republikë.

Katalonia do të vazhdojë të mbetet në duart e autoriteteve spanjolle, derisa vendi të zgjedhje një president dhe një kabinet të ri.

Kryeministri spanjoll nuk ka përjashtuar marrjen përsëri të kontrollit të rajonit, nëse është e nevojshme./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm