Parlamenti Evropian mbajti homazhe për viktimat e sulmeve terroriste në Izrael, në prani të Presidentes së tij Roberta Metzola, Presidentëve të Komisionit Evropian Ursula von der Leyen dhe të Këshillit Evropian Charles Michel, si dhe ambasadorit të Izraeli në BE Haim Regev.
Ceremonia u zhvillua sot në orën 13:00, jashtë selisë së Parlamentit Evropian në Bruksel, ku ishin mbledhur një numër i madh njerëzish (punonjës të Parlamentit Evropian, por edhe të tjerë). U mbajt një minutë heshtje për viktimat në Izrael, dhe u këndua himni kombëtar i Izraelit dhe himni i BE-së.
“Faleminderit të gjithëve që janë me ne sot. Kjo është shumë e rëndësishme për popullin e Izraelit që ka pësuar sulmin më të tmerrshëm në shumë vite”, Metsola dhe shtoi se “Tubimi ynë sot këtu është simbolik, zëri ynë është i rëndësishëm dhe qëndrimi ynë i fortë kundër terrorizmit është kritik”.
Follow live: the European Parliament’s solemn moment to remember the victims of the terrorist attacks in Israel over the weekend. https://t.co/hPlQyEMr4w
— European Parliament (@Europarl_EN) October 11, 2023
“Me praninë tonë këtu shprehim solidaritetin tonë, dënojmë aktet e tmerrshme të terrorizmit dhe vrasjeve dhe kërkojmë lirimin e menjëhershëm të pengjeve”, tha presidentja e PE dhe vazhdoi duke thënë se “nuk ka asnjë justifikim për terrorizmin”.
“Hamasi është një organizatë terroriste, nuk përfaqëson aspiratat legjitime të popullit palestinez. Nuk ofron zgjidhje, por një gjakderdhje,” tha ajo.
Ajo që Izraeli përjetoi më 7 tetor në duart e Hamasit është “terrorizmi në formën e tij më të neveritshme”, tha Metsola, duke vënë në dukje se Hamasi vrau më shumë se 1000 njerëz të pafajshëm, gra, fëmijë, foshnja dhe burra, dhe ende ka mbi 100 pengje. “Ata hapën zjarr mbi qindra të rinj në festivale muzikore, duke vrarë pa dallim dhe i quajtën të vdekurit trofe”./abcnews.al
Meta mbërrin në GJKKO, pritet të njihet me masën e sigurisë
Një shtetas i huaj gjendet pa shenja jete në Prizren
Ancelotti: Vinicius do ta fitojë Topin e Artë
Ngritet aktakuzë ndaj 16 personave për krim të organizuar
Trepça sonte kërkon fitoren e parë në Fiba Europe Cup
Osmani përmbyll vizitën në New York