Parlamenti britanik jep miratimin përfundimtar për Brexit

13:39 | 14 Mars 2017
Arbresh.info

Ligjvënësit britanikë kanë nënshkruar legjislacionin që do të lejojë Britaninë edhe formalisht të dalë nga Bashkimi Evropian.

Dhoma e Lordëve ka miratuar legjislacionin pa amendamentet që ishin shtuar më parë në ligj, transmeton portali arbresh.info. Dhoma  e Ulët, Dhoma e Komunëve ka fshirë ndryshimet e bëra nga ligjvënësit në Dhomën e Lordëve.

Një zëdhënës i kryeministres Theresa May, ka thënë që kryeministrja do të preferonte që projektligji të miratohej i pandryshuar.

Janë bërë 262 ditë që kur Britania tronditi botën duke votuar për të dalë nga BE-ja. Me 23 qershor të vitit 2016, rreth 52 për qind e votuesve në Mbretërinë e Bashkuar hodhën votat pro largimit të ishullit nga BE-ja./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm