Google ADS

Paralajmërim: Akulli i Detit Arktik mund të zhduket në tërësi më 2035-ën

12:20 | 17 Gusht 2020
V. S.

Akulli i detit Arktik mund të zhduket deri në vitin 2035, paralajmëron një studim.

Akademikët përdorën një mjet modelimi të klimës të krijuar nga Zyra Met për të zbuluar se si Arktiku u përgjigj gjatë një periudhe ngrohjeje 127,000 vjet më parë.

Këto rezultate historike u përdorën më pas për të krijuar parashikime për të ardhmen dhe për të zbuluar se ka të ngjarë të mos ketë akull deti në Arktik pas 15 vitesh.

Fajtori, sipas hulumtimit, është dielli i fortë i pranverës që krijon pellgje me ujë, që thithin nxehtësinë nga dielli dhe më pas kontribuojnë në shkrirje.

Akulli i detit Arktik luan një rol thelbësor në ekosistemet në botë dhe shkrirja e tij jo vetëm që do të kontribuojë në ngritjen e niveleve të detit, por shumë specie do t’i lë pa strehë.

Arinjtë polarë, për shembull, janë plotësisht të varur nga akulli i detit Arktik, të cilët e përdorin akullin përveç tjerash edhe për të gjuajtur prenë.

Shpërndaje në rrjete sociale

Lajmet më të lexuara

Të ngjashme

Foto lajm