Udhëheqësi i Kishës Katolike, Papa Françesku ka thënë se “diskutimet politike ku emigrantët llogariten si përgjegjës për të gjitha të këqijat dhe privojnë të varfrit nga shpresa e tyre nuk mund të mbështeten”, transmeton Anadolu Agency (AA).

Papa me rastin e Ditës Ndërkombëtare të Emigrantëve – 18 Dhjetori ka publikuar mesazhin e tij për “Ditën Botërore të Paqes”, të cilën Kisha Katolike e feston çdo vit më 1 janar. “Sot shoqëria jonë ka nevojë për paqebërës më shumë se kurrë. Racizmi, ksenofobia dhe korrupsioni janë turpi i politikës”, tha ai.

“Periudha aktuale në të cilën mbizotëron pasiguria ka shkaktuar tek njerëzit mbjelljen e farës së frikës ndaj të tjerëve dhe të humbasin ato që kemi”, ka theksuar Papa duke shtuar se retorikat politike raciste dhe ksenofobike rrezikojnë ndjenjën e vëllazërisë për të cilën ka më shumë nevojë njerëzimi në botën që globalizohet.

Duke nënvizuar se paqja bazohet në respektin për çdo person, pavarësisht nga e kaluara, Papa ndan mendimin e tij se “Diskutimet politike ku emigrantët llogariten si përgjegjës për të gjitha të këqijat dhe privojnë të varfërit nga shpresa e tyre nuk mund të mbështeten”.

Pasi ka rikujtuar se është lënë pas 100 vjetori i përfundimit të Luftës së Parë Botërore, Papa tha se “Përvojën e tmerrshme të luftës vëllazërore sot e dimë më mirë se dje”.