Google ADS

Papa bllokohet në ashensor, shpëtohet nga zjarrfikësit

13:59 | 1 Shtator 2019
L G

Papa Françesku ka kërkuar falje për vonesën gjatë fjalimit javor në Sheshin e Shën Pjetrit, duke thënë se u bllokua në një ashensor në Vatikan.

Udhëheqësi 82 vjeç tha se u bllokua për 25 minuta për shkak të ndërprerjes së rrymës para se të nxirrej nga zjarrfikësit.

“Më duhet të kërkoj falje që u vonova”, tha Papa duke buzëqeshur në fillim të fjalimit javor. Më pas, ai kërkoi nga personat e pranishëm që të duartrokasin për ta respektuar punën e zjarrfikësve.

“Faleminderit Zotit, erdhën zjarrfikësit dhe i falënderoj shumë. Pas 25 minutash punë, ata ia dolën që ta rikthejnë në punë ashensorin”, shtoi ai.

Rrjetet televizive në Itali, të cilat e transmetojnë drejtpërdrejt fjalimin e tij javor, ishin të shqetësuara për vonesën e pazakonshme dhe dyshonin se kjo mund të ketë ndodhur për shkak të problemeve shëndetësore të Papës, shkruan “BBC”, transmeton Gazeta Express.

Shpërndaje në rrjete sociale

Lajmet më të lexuara

Të ngjashme

Foto lajm