Kriza e shkaktuar nga pandemia e koronavirusit ka ndikuar negativisht në shkallën e lindjeve dhe punën e grave në Itali, e cila tashmë është prekur nga “recesioni demografik”, thuhet në  të dhënat e paraqitura sot nga Instituti Kombëtar i Statistikave (Istat).

“Klima e frikës dhe e pasigurisë, si dhe problemet financiare të shkaktuara nga ngjarjet e fundit, do të kenë ndikim negative në pjellorinë e çifteve italiane,” tha Presidenti i Istat Gian Carlo Blanchard në parlament, transmeton portal arbresh.info

420 mijë foshnjë kanë lindur në Itali në vitin 2019, numër që llogaritet shumë i ulët në 150 vitet e fundit, por ky numër mund të bjerë në 408,000 këtë vit dhe në 393,000 në 2021, parashikon Istat.

“Recesioni demografik që ka goditur Italinë që nga viti 2015 ka rezultuar në një kolaps të vërtetë që nuk ka ekuivalent në historinë e Italisë nëse nuk kthehemi në vitet 1917-1918, një kohë e shënuar nga Lufta e Madhe dhe pasojat dramatike të etheve Spanjolle ,” vuri në dukje Blandardo.

Ndër faktorët që ndikojnë negativisht në shkallën e lindshmërisë është situata e pafavorshme në tregun e punës dhe së fundmi edhe pandemia.

Rënia e shkallës së punësimit mes muajit shkurt dhe shtator ka prekur më së shumti gratë, 1.9 përqind krahasuar me -1.1 përqind të burrave.

Sipas institutit, pandemia ka ndikuar në rritjen e pabarazisë që tashmë janë të pranishme në tregun e punës.

Pandemia ka shkatërruar rreth 80 përqind të vendeve të punës, shumica e të cilave vende ishin kryesuar nga gratë që u punësuan nga kriza financiare e vitit 2008. Nga 2008 deri në 2019, Italia regjistroi 602,000 punë shtesë për gratë, por u deshën vetëm tre muaj, midis Prillit dhe Qershorit, për të shkatërruar 470,000 të atyre vendeve të punës.

Vetëm një në dy gra punon në Itali, krahasuar me 73 përqind në Gjermani, 62 përqind në Francë dhe 58 përqind në Spanjë. Kur bëhet fjalë për vendet europiane, situata është më e keqe vetëm në Greqi, ku 47% e grave janë të punësuara./arbresh.info/