Pakistan: Të paktën 35 persona të vdekur pas shpërthimit në një tubim politik

18:02 | 30 Korrik 2023
Orgesa Haziri

Të paktën 35 persona janë vrarë, si pasojë e një shpërthimi që ka ndodhur gjatë një tubim politik të dielën në Pakistan.

Besohet se rreth 200 persona janë plagosur nga shpërthimi që ka ndodhur në rajonin Bajaur, ku ka qenë duke e mbajtur tubimin partia islamiste Jamiat Ulema-e-Islam-Fazl (JUI-F).

Autoritetet e kanë bllokuar zonën dhe kanë paralajmëruar se numri i të vdekurve mund të rritet.

Ekipet e kërkim-shpëtimit janë parë, po ashtu, në zonën ku ka ndodhur incidenti, derisa policia nuk e ka konfirmuar ende shkakun e shpërthimit.

Zyrtarët lokalë kanë thënë se lideri rajonal i partisë JUI-F Maulana Ziaullah, është vrarë në shpërthim./rel/

Shpërndaje në rrjete sociale

Lajmet më të lexuara

Të ngjashme

Foto lajm