Google ADS

BE pajtohet me ndalimin e platformave bitcoin për të trajtuar pastrimin e parave

21:36 | 15 Dhjetor 2017
Trina Galanxhi

Shtetet e Bashkimit Europian dhe deputetët kanë rënë dakord që të vendosin rregulla strikte për të parandaluar pastrimin e parave dhe financimin e terrorizmit në platformat e këmbimit për bitcoin dhe monedha të tjera virtuale.

Marrëveshja është pjesë e një grupi më të gjërë masash për të trajtuar krimet financiare dhe evazionin fiskal, shkruan “Reuters”, transmeton portali arbresh.info

Deputetët e BE-së gjithashtu kanë mbështetur kontrollomin e rreptë mbi kartat e parapaguara dhe ngritën kërkesat e transparencës për pronarët e trusteve dhe kompanive.

“Marrëveshja e sotme do të sjellë më shumë transparencë për të përmisuar parandalimin e pastrimit të parave dhe për të ndaluar financimin e terroristëve”, tha komisionerja e drejtësisë së Europës, Vera Jurova.

Vendimi i BE vjen pasi çmimet e bitcoin janë rritur më shumë se 1,700 për qind që nga fillimi i vitit, duke shkaktuar shqetësime se tregu është një flluskë që mund të shpërthejë në mënyrë spektakolare./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm