Rënia e një orteku dëbore në masivin malor të Monblanit ka vrarë të paktën 2 skiatorë italianë. Aksidenti u raportua jashtë pistës normale ku po lëviznin dy viktimat. Ambientet për ski do të qëndrojnë të hapura por nën monitorim.
Shkëputja e një orteku bore u ka marrë jetën të paktën dy skiatorëve në alpet italiane.
Ngjarja u shënua në majën e masivit malor Monblan që zgjatet mes Francës, Italisë dhe Zvicrës.
Fatkeqësia u raportua nga një skiator që në kohën e aksidentit po rrëshqiste afër vendngjarjes.
Trupat e dy shtetasve italianë 28 dhe 32 vjeç u gjetën të zhytur nën dëborë në lartësinë 3 mijë metra.
Mësohet se viktimat, prej të cilëve njëri mjeshtër i skive, po e ushtronin aktivitetin sportiv jashtë pistës.
Goditja nga grumbulli i borës ndodhi në një majë 500 metra poshtë stacionit të teleferikut.
Një ortek i dytë u rrëzua pak minuta më vonë.
Autoritetet thanë se ambientet mbeten të hapura për skiatorët, edhe pse nën monitorim të rreptë.
Sipas tyre, tragjedia ka prishur imazhin e një prej sezoneve më pozitive nga pikëpamja e faktorëve teknikë, si reshjet e dëborës dhe temperaturat.
Maja “Helbronër” ku ndodhi aksidenti ndodhet mbi 3,400 metra mbi nivelin e detit dhe afër teleferikëve panoramikë të “Skajuejit”, nga më të lartët në Europë.
Sekuestrohen tri armë zjarri në Llapashticë të Poshtme të Po...
Krerët e shtetit bëjnë homazhe tek varri i heroit Afrim Bunj...
Abdixhiku kujton Afrim Bunjakun: Personalitet që dha frymën ...
Luis Enrique për Mbappen: Është turp që një futbollist si ai...
Scholz: Gjermania nuk do t’i japë leje Ukrainës për armët me...
Flet vëllai i Afrim Bunjakut: Ishte vit i vështirë, por jemi...