Organizata e Kombeve të Bashkuara ka kthyer vëmendjen në situatën në të cilën ndodhet Ukraina.

Në një deklaratë zyra e Komisionerit të Lartë të OKB-së për të drejtat e njeriut tha se ishte “thellësisht e shqetësuar për gjendjen e rëndë të civilëve në Ukrainë, veçanërisht në rajonin e Kharkiv”, ndërsa forcat ruse shtojnë sulmet.

“Ky sulm ka kapur më shumë territor ukrainas, ka shkaktuar zhvendosje të mëtejshme dhe potencialisht kërcënon Kharkivin”, thuhet në deklaratë.

Të dhënat nga OKB-ja tregojnë se që nga inkursioni i fundit nga forcat ruse më 10 maj, të paktën 6,000 njerëz besohet se janë larguar ose janë evakuuar nga zonat në kufi dhe shumë prej tyre kanë arritur në qytetin e Kharkiv. “Në rajonin e Kharkiv, situata është e tmerrshme, pasi luftimet intensifikohen. Kolegët në Kharkiv raportojnë se sirenat e sulmit ajror tingëllojnë pothuajse vazhdimisht dhe dëgjojnë shpërthime në zonën kufitare dhe në vetë qytetin. Raportet tregojnë se në qytetin kufitar verilindor të Vovchansk, ku ka pasur shkatërrime të konsiderueshme, luftimet e ashpra po vazhdojnë. Disa qindra banorë civilë nga një popullsi prej rreth 3,000 para 10 majit besohet se janë ende atje.”, tha zyra e OKB-së.

Të paktën 8 civilë janë vrarë dhe 35 janë plagosur në rajonin e Kharkiv që nga e premtja e kaluar./abcnews.al