Google ADS

OKB ngre komision për akuzat ndaj UNRWA/ Izraeli: Do ofrojmë të gjitha provat që tregojnë lidhjet e agjencisë me terrorizmin

23:46 | 5 Shkurt 2024
E.H

Ministri i Jashtëm izraelit, Israel Katz tha se do t’i ofrojnë OKB-së të gjitha provat që tregojnë lidhjet e agjencisë UNRWA me sulmin e Hamasit më 7 Tetor.

Këtë koment ai e bëri teksa përshëndeti vendimin e Kombeve të Bashkuara për krijimin e një komisioni hetimor për të hetuar pretendimet e Izraelit.

“Ne do të ofrojmë të gjitha provat që nxjerrin në pah lidhjet e UNRWA me terrorizmin dhe efektet e tij të dëmshme në stabilitetin rajonal. Është e domosdoshme që ky komision të nxjerrë në dritë të vërtetën, duke e bërë të nevojshme dorëheqjen e presidentit të UNRWA-s, Lazzarini”, u shpreh ministri izraelit.

Më herët, shefi i OKB-së, Antonio Guterres njoftoi krijimin e komisionit që do të ketë në krye ish ministren e Jashtme të Francës, Catherine Colonnade. Komisioni do të bashkëpunojë me tre qendra kërkimore (Instituti Raoul Wallenberg në Suedi, Instituti Chr. Michelsen në Norvegji dhe Instituti Danez për të Drejtat e Njeriut (DIHR)”./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm