Google ADS

OKB ndan 9 milion dollarë për spitalet e Bejrutit

00:48 | 8 Gusht 2020
Trina Galanxhi

Organizata e Kombeve të Bashkuara menjëherë do të financojë me 9 milion dollarë spitalet e Bejrutit, për të ndihmuar në adresimin e nevojave të menjëhershme dhe forcimin e aftësive spitalore në vazhdën e shpërthimeve masive në Bejrut këtë javë, tha një zëdhënës i OKB-së.

”Fondet do të shkojnë për zgjerimin e njësive të kujdesit intensiv dhe sigurimin e ventilatorëve, ilaçeve dhe furnizimeve mjekësore”, u tha Farhan Haq gazetarëve.

Ai tha se OKB po vlerëson aktualisht dëmet dhe nevojat nga shpërthimet dhe planifikon të nisë një apel të veçantë për fonde.

“Sigurisht që Libani do të ketë nevoja shumë thelbësore, nga ndihma për sistemin spitalor deri në llojin e ndihmave ushqimore, për të cilën ata do të kenë nevojë, dhe deri tek shpenzimet afatgjata të rindërtimit”, theksoi ai./shprehja/

Shpërndaje në rrjete sociale

Lajmet më të lexuara

Të ngjashme

Foto lajm