Asambleja e Përgjithshme e Kombeve të Bashkuara bëri hapin e parë drejt krijimit të një Pakti Global për Mjedisin, ndonëse u kundërshtua nga Shtetet e Bashkuara, Rusia dhe disa vende të tjera.
Pakti do të synojë gjetjen e boshllëqeve në mbrojtjen e mjedisit dhe marrjen e hapave për t’i adresuar ato.
Me 142 vota për dhe 5 kundër, mekanizmi 193-anëtarësh miratoi rezolutën për të filluar identifikimin e atyre boshllëqeve në ligjet ndërkombëtare të mjedisit.
Rezoluta i kërkon sekretarit të përgjithshëm të OKB-së, Antonio Guterres, të prodhojë një raport mbi mangësitë mjedisore për seancën e ardhshme të Asamblesë së Përgjithshme, duke filluar nga shtatori.
Propozimi kaloi me gjithë kundërshtimin e SHBA-së, Rusisë, Turqisë, Sirisë dhe Filipineve, por u mbështet fuqishëm nga presidenti i Francës, Emmanuel Macron.
Propozimi mund të çojë në miratimin e një “instrumenti ndërkombëtar” ose pakti të ngjashëm me marrëveshjen globale të klimës të vitit 2015, e cila u miratua nga shumica e anëtarëve të OKB-së.
Arrestohet një person në Zveçan për armëmbajtje pa leje, sek...
Policia shqiptoi 1 mijë e 554 gjoba trafiku për një javë në ...
Von der Leyen vazhdon turin ballkanik – nesër vjen në Kosovë
Përfshihet nga zjarri një veturë në Ferizaj
Arrestohet një burrë nga Deçani, vodhi pyllin
Kush do të jetë banori i parë që do të largohet nga shtëpia ...