Ansambleja e Përgjithshme e Kombeve të Bashkuara ka miratuar një rezolutë për të bërë thirrje për një armëpushim të menjëhershëm humanitar në Gaza.
Rezoluta nuk është ligjërisht e detyrueshme – por është shumë simbolike dhe treguese e pikëpamjeve të botës për konfliktin, raporton SkyNews, transmeton Arbresh.info
Me 153 anëtarë votuan pro, 10 kundër dhe 23 abstenuan u miratua kjo rezolutë.
Për kontekstin, një rezolutë e mëparshme në tetor me formulim të ngjashëm pati 121 vota pro, 14 kundër dhe 44 abstenime.
Formulimi i kësaj rezolute, e cila tashmë është miratuar, përfshin:
-Thirrje për një armëpushim të menjëhershëm humanitar;
-Duke kërkuar që të gjitha palët të respektojnë detyrimet e tyre sipas ligjit ndërkombëtar – veçanërisht në lidhje me mbrojtjen e civilëve;
-Një kërkesë për lirimin e menjëhershëm dhe pa kushte të të gjithë pengjeve, si dhe sigurimin e aksesit humanitar.
Dy amendamente dështuan përpara votimit mbi rezolutën, që do të thotë se anëtarët u pyetën për mendimet e tyre mbi formulimin e rezolutës siç u parashtrua fillimisht./Arbresh.info
Kurti viziton sot DOKU.TECH
Franca me ndihmë për Libanin në vlerë prej 100 milionë euros...
Sot mbahet seanca për fjalën përfundimtare ndaj Bedri Krasni...
Kosova ngritet për tri pozicione në ranglistën e FIFA-s
Punëtorët e KEK-ut kërcënojnë: Nëse nuk plotësohen kërkesat ...
Mbrojtësi i viktimave kërkon ta marrë në pyetje Ibishin: Ka ...