Google ADS

OKB e shqetësuar për arrestimin e mijërave rusëve kundër rekrutimit

15:38 | 27 Shtator 2022
A. B.

OKB ka shprehur shqetësimin për arrestimin e rreth 2,400 rusëve pas shpalljes së mobilizimit ushtarak të mërkurën e kaluar.

“Ne jemi thellësisht të shqetësuar nga numri i madh i njerëzve që thuhet se janë arrestuar,” tha zëdhënësja e zyrës së të drejtave të Organizatës të Kombeve të Bashkuara, Ravina Shamdasani, shkruan BBC.

Shamdasani iu referua raporteve të besueshme se rreth 2,377 demonstrues ishin arrestuar në vende të ndryshme anembanë vendit.

Ajo tha se është e paqartë se sa njerëz janë aktualisht në paraburgim; megjithatë të shtunën, grupi i monitorimit të policisë OVD-Info tha se të paktën 726 persona ndodhen në paraburgim në 32 qytete në të gjithë Rusinë, gati gjysma e tyre në Moskë./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm