Që nga 1 tetori numri i migrantëve që humbën jetën në brigjet e Libisë është rritur në 100, bëri të ditur sot Agjencia e OKB-së për Migracionin.
Organizata Ndërkombëtare për Migracionin (IOM) tha se nga 1 tetori janë përmbytur 8 anije në Mesdheun Qendror.
Anija e fundit që u përmbyt të enjten kishte mbi 120 persona, përfshirë gra dhe fëmijë. Dyzet e shtatë të mbijetuar janë sjellë në breg nga rojet bregdetare dhe peshkatarët ndërsa 31 trupa janë marrë, teksa kërkimi për viktimat vazhdon.
Këtë vit, të paktën 900 persona e kanë humbur jetën në Mesdhe duke u përpjekur të arrijnë në brigjet evropiane.
Më shumë se 11.000 të tjerë janë kthyer në Libi, duke i rrezikuar ata të përballen me shkelje të të drejtave të njeriut, ndalim, abuzim, trafikim dhe shfrytëzim, siç është dokumentuar nga OKB-ja.
IOM ka regjistruar ngritje të fundit të largimeve nga vendi me rreth 1.900 të cilët janë interceptuar dhe kthyer dhe mbi 780 mbërritje në Itali nga Libia që nga fillimi i tetorit.
IOM tha se është alarmante përkeqësimi i kushteve humanitare të migrantëve të ndaluar në qendra të mbipopulluara, arrestime dhe burgosje të përhapura arbitrare, zhvatje dhe abuzim.
Agjenca e OKB-së tha se Libia nuk është një port i sigurt për kthim duke i bërë thirrje bashkësisë ndërkombëtare dhe Bashkimit Evropian të ndërmarrë veprime urgjente dhe konkrete “për t’i dhënë fund ciklit të kthimit dhe eksploatimit”.
A e ka zbuluar Carlo Ancelotti fituesin e Topit të Artë të k...
Paralajmëron OKB: Momenti më i errët i luftës së Gazës po sh...
Në Ditën Kombëtare të Austrisë, në Komunën e Prishtinës valo...
Hamza dënon sulmin ndaj Muhaxherit: Akt i ulët dhe i papranu...
Musliu – Shoshi: Ftojmë organet e drejtësisë që të hetojnë a...
Krasniqi: Sulmi ndaj Muhaxherit, akt i ulët dhe i papranuesh...