Agjencia e Kombeve të Bashkuara për ushqimin ngriti alarmin të shtunën, duke thënë se asnjë ndihmë ushqimore nuk kishte hyrë në Gazën veriore që nga 1 tetori, raporton Associated Press.
Programi Botëror i Ushqimit (WFP) tha se kalimi parësor kufitar në zonën e shkatërruar nga lufta ishte mbyllur për rreth dy javë, duke paralajmëruar se operacioni tokësor i vazhdueshëm i Izraelit do të ketë një ndikim katastrofik në sigurinë ushqimore për mijëra familje palestineze atje.
“Nuk jemi në gjendje të operojmë në veri. WFP ka qenë në terren që nga fillimi i krizës. Ne jemi të përkushtuar të ofrojmë ushqim që shpëton jetën çdo ditë, pavarësisht nga sfidat në rritje, por pa akses të sigurt dhe të qëndrueshëm, është praktikisht e pamundur të arrihet tek njerëzit në nevojë.” , tha Antoine Renard, drejtor vendor i WFP për Palestinën.
Shqetësimet për një krizë urie janë rritur në Gaza afërsisht një muaj pasi hetuesi i pavarur i OKB-së për të drejtën e ushqimit akuzoi Izraelin për kryerjen e një “fushate urie” kundër palestinezëve. Izraeli ka mohuar akuza të tilla dhe ka insistuar se ka lejuar ushqime dhe ndihma të tjera në Gaza në sasi të konsiderueshme.
WFP tha se pikat e saj të shpërndarjes së ushqimit, si dhe kuzhinat dhe furrat e bukës në Gazën veriore, janë detyruar të mbyllen për shkak të sulmeve ajrore, operacioneve tokësore ushtarake dhe urdhrave të evakuimit.
Sipas agjencisë, e vetmja furrë buke funksionale në veri të Gazës, e mbështetur nga WFP, mori flakë pasi u godit nga një municion shpërthyes./abcnews.al
Edon Zhegrova njeriu i ndeshjes sipas SofaScore, shkëlqeu ed...
Polonia do ta pezullojë përkohësisht të drejtën për azil
Mes vështirësive në fundin e ndeshjes, Kosova shënon fitore ...
Lituania ngushton epërsinë, nxehet loja në fund
Iu gjet kanabis në makinë, arrestohet 23 vjeçari në Fier
Ermal Krasniqi dyfishon epërsinë e Kosovës