Të paktën 47 persona janë vrarë dhe 181 të tjerë janë plagosur gjatë tri ditëve të fundit në përleshjet në Libi, tha Organizata Botërore e Shëndetësisë (OBSH), transmeton Anadolu Agency (AA).
Të enjten e kaluar, Khalifa Haftar, komandant ushtarak në Libinë lindore, nisi një operacion ushtarak për të kapur kryeqytetin Tripoli, ku gjendet selia e Qeverisë së Pajtimit Kombëtar të mbështetur nga OKB. Megjithë suksesin fillestar, fushata ushtarake të hënën humbi vrullin.
Duke folur për një konferencë shtypi në zyrën e OKB-së në Gjenevë, Tarik Jasarevic, zëdhënës i OBSH-së, tha se midis të vrarëve gjenden dy mjekë që kishin nxituar për t’u ndihmuar të plagosurve rëndë.
Ai nënvizoi se sulmet ndaj institucioneve shëndetësore dhe punonjësve janë shkelje e ligjit ndërkombëtar për të drejtat e njeriut.
Babor Baloch, zëdhënës i Komisionit të Lartë të OKB-së për Refugjatët, tha se në qendrat zyrtare të ndalimit në Libi gjenden 5.700 refugjatë dhe emigrantë të parregullt, duke shtuar se numri mund të rritet nëse shtohet bilanci i personave të mbajtur në qendrat jozyrtare të ndalimit.
Libia ka mbetur e përfshirë nga trazirat që nga viti 2011, kur një kryengritje e përgjakshme e mbështetur nga NATO-ja çoi në rrëzimin dhe vdekjen e presidentit Muamar Gadafi pas katër dekadash në pushtet.
Që atëherë, ndarjet politike në vend kanë shkaktuar ndarjen e pushtetit, një në qytetin lindor të Al-Bayda, me të cilën Haftar është i lidhur, dhe qeveria e mbështetur nga OKB-ja në Tripoli.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite