Organizata Botërore e Shëndetit (OBSH) tha të martën se Shtetet e Bashkuara të Amerikës (SHBA) mund të bëhen epiqendra globale e pandemisë koronavirus.
Britania u bashkua me radhët e vendeve në izolim për të provuar të ndalojnë përhapjen e virusit. Të dhënat treguan se veprimtaria e biznesit janë në kolaps në Australi, Japoni dhe Evropë Perëndimore me një ritëm rekord në mars, shkruan Reuters, transmeton lajmi.net.
Rastet e konfirmuara me COVID-19 në të gjithë botën tejkaluan 377,000-shin nëpër 194 vende dhe territore që nga fillimi i së martës, sipas një raporti të Reuters.
Në Gjenevë, zëdhënësi i OBSH Margaret Harris u tha gazetarëve se kishte një “përshpejtim shumë të madh” të infeksioneve në Shtetet e Bashkuara.
Gjatë 24 orëve të mëparshme, 85 përqind e rasteve të reja ishin në Evropë dhe Shtetet e Bashkuara, dhe prej tyre, 40 përqind ishin në Shtetet e Bashkuara.
I pyetur nëse Shtetet e Bashkuara mund të bëhen epiqendra e re, Harris tha: “Tani ne po shohim një përshpejtim shumë të madh në raste në SHBA, kështu që vendi ka një potencial të tillë”.
Valverde pas ndeshjes: Nuk na intereson fitorja tani, me rën...
Hadar akuzon gjyqtarët pas humbjes ndaj Yllit, paralajmëron ...
Fushata zgjedhore/ Trump rikthehet në vendin ku iu bë atenta...
Moment emocionues/ Kroos i pranishëm në “Santiago Bernabeu”,...
Shtatë persona u lënduan nga një aksident në rrugën Mitrovic...
Real Madrid rikthehet tek fitorja mposht Villarealin