Google ADS

OBSH: Mos vononi me shtrëngimin e masave

09:22 | 13 Nëntor 2021
Trina Galanxhi

Organizata Botërore e Shëndetësisë (OBSH) ka paralajmëruar vendet me një numër në rritje të infeksioneve me koronavirus që të mos vonojnë në shtrëngimin e masave mbrojtëse.

“Sa më shpejt që të futen masat, aq pak infeksione do të ketë”, tha në Gjenevë, ekspertja e OBSH-së për Covid, Maria van Kerkhove, transmeton portal arbresh.info

Ajo theksoi faktin se varianti delta që po qarkullon tani është shumë më ngjitës se variantet e mëparshme.

Disa vende janë në një situatë të vështirë dhe duhet të vendosin masa “shumë të rrepta”, ka theksuar ajo.

OBSH nuk dha emër të ndonjë vendi, megjithatë ka folur në përgjithësi për të gjitha vendet që kanë një numër në rritje të infeksioneve.

Këto masa përfshijnë përdorimin e gjerë të maskave, distancën fizike, sigurimin që hapësirat e brendshme të ajrosen mirë, shmangien e grumbullimeve në hapësira të vogla dhe punën nga shtëpia kur është e mundur./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm